السيسي و مبارك و هيبة مصر

في البداية:

انا مش مع حد او ضد حد, انا مع بلدى و المعلومات الصح, ممكن احب و اكره (رايى الشخصى) بس مش بياثر على ان موضوع معين صح او غلط.

انا كتبت الموضوع ده ردا على الناس (و منهم ناس بعزهم جدا) بيتقول ان الرئيس الاسبق مبارك كان حافظ هيبة مصر امام كل الدول حتى امريكا نفسها و ان الرئيس الحالى عبد الفتاح السيسي عكس الموضوع و هيبة مصر راحت و دليلهم الصور و الفديوهات الى طالعة على النت دلوقتى زى مجموعه العشرين و بيقارنوا بينها و بين صور الرئيس الاسبق.

طبعا الاخوان انا مش هتكلم عليهم.

الناس دى شايفها كل حاجة سلبية و مضخماها جدا و مش شايفة اى حاجة ايجابية خالص و شايفين ان الرئيس السيس خرب مصر بالحرف الكلام ـ فى سلبيات انا مش معترض على كده بس مش كله زفت كده احنا ممكن نكفر من كتر الكلام السلبى.

الجزء الاول: الرئيس عبد الفتاح السيسي

بالنسبة لموضوع السلام على اوباما كان حوالية ناس كتير و الطبيعى ان رئيس مصر يسلم علية بس اكيد مش هيزق الناس الى حوالية علشان يسلم على اوباما مش عافية هى, و فى الاخر اوباما هو الى مد ايده للرئيس بعد ما الناس مشيت من حوالية.

و ادى الصور للتاكيد بالتوقيت و سلومووشن علشان بيدققوا اوى.

و أدى لينك الفيديو: https://www.youtube.com/watch?v=hnRuzRDvQzQ

تانى حاجة موضوع بوتين, بوتين مكانة فى التصوير جنب قردوغان و أتكلم معاه, الرئيس كان فى الصف التانى ولا كلم بوتين ولا جه يمته خالص و يعدين بوتين ساب قردوغان و اتكلم مع بتاع الصين و رغم ان رئيس فرنسا كان ماشى جنبهم بس محدش قال انه تجاهله و لم يكلمه. و الوقوف فى الصورة بترتيب معين كل واحد عارف مكانة فين.

و أدى الفيديو: https://www.youtube.com/watch?v=CDOk917dNnE

ملحوظه صغيرة على الماشى, دى اول مره مصر تدعى لمجموعة العشرين فى تاريخها مافيش حد قال حاجة على المعلومة دى.

انجازات الرئيس السيسي: لينكات علشان ماكتبش كتير, ممكن تكون مش عاجبة ناس, ماشى بس ماتنكرهاش.

http://www.alarabiya.net/ar/arab-and-world/egypt/2016/06/02/%D8%AA%D8%B9%D8%B1%D9%81-%D8%B9%D9%84%D9%89-%D8%A7%D9%84%D9%85%D8%B4%D8%A7%D8%B1%D9%8A%D8%B9-%D8%A7%D9%84%D8%AA%D9%8A-%D8%A3%D9%86%D8%AC%D8%B2%D9%87%D8%A7-%D8%A7%D9%84%D8%B3%D9%8A%D8%B3%D9%8A-%D8%AE%D9%84%D8%A7%D9%84-%D8%B9%D8%A7%D9%85%D9%8A%D9%86.html

https://arabic.rt.com/news/826750-%D8%A8%D8%B9%D8%AF-%D8%B9%D8%A7%D9%85%D9%8A%D9%86-%D9%85%D9%86-%D8%A7%D9%84%D8%A7%D9%86%D8%AC%D8%A7%D8%B2%D8%A7%D8%AA-%D9%88%D8%A7%D9%84%D8%AA%D8%AD%D8%AF%D9%8A%D8%A7%D8%AA-%D8%A7%D9%84%D8%B3%D9%8A%D8%B3%D9%8A-%D9%81%D9%8A-%D9%85%D9%86%D8%AA%D8%B5%D9%81-%D8%A7%D9%84%D8%B7%D8%B1%D9%8A%D9%82/

http://www.egynews.net/925625/%D9%84%D9%84%D9%85%D9%83%D8%AA%D8%A8-%D8%A7%D9%84%D8%A5%D8%B9%D9%84%D8%A7%D9%85%D9%8A-%D9%84%D9%84%D8%B1%D8%A6%D8%A7%D8%B3%D8%A9-%D9%8A%D9%86%D8%B4%D8%B1-%D8%AA%D9%82%D8%B1%D9%8A%D8%B1%D8%A7-%D8%B9/

الجزء الثانى: الرئيس الاسبق محمد حسنى مبارك

فى ناس كتير بتقول انه كان حافظ هيبة مصر فى كل مكان و امام كل الدول حتى امريكا ماتعرفش تعمل حاجة إلا بشورة من الرئيس مبارك.

طب نشوف الصور

دا يافندم الرئيس مبارك يتقدم القاده فى البيت الابيض علشان المفاوضات ازاى مش عارف قدام اوباما فى البيت الابيض فى واشنطن مش عارف ازاى.

طبعا فوتوشوب و خبراء الفوتوشوب يقولولنا, بس الفضيحة عالمية لانها وصلت الدنيا كلها و كانو فاكرينها جوا مصر بس.

نشوف بقى الاصل

ادى مقالة الجارديان عن الصورة المفبركة: https://www.theguardian.com/world/2010/sep/17/al-ahram-newspaper-doctored-photo-hosni-mubarak

ادى المصرى اليوم: http://www.almasryalyoum.com/news/details/67009

يعنى مش متقدم الصفوف ولا حاجة دا فى الاخر, واحده تانية  بس مع كلينتون المره دى فى الاخر برده و بعد عرفات الى هو قائد مقاومة مش رئيس دولة.

ودى شوية صور نفس النظام فى شوية هيبة من الى حافظهم لمصر, لو ترجمنها للكلام الى بيتقال دلوقتى ممكن نقول تجاهل تام لرئيس اكبر دولة عربية و فى الشرق الاوسط و على طول فى الاخر و ضيع هيبة مصر, مع ان طريقة الكلام ده مش صح بس دى طريقتهم علشان يقولوا ولا يوم من ايامك.

طبعا لو حبينا نشوه براحتنا انتم شايفين, مع انى برده مش شايف حاجة غلط فى الصورة, اصل احنا تقريبا فاكرين اننا ماسكين سيديهات على دول العالم لما نروح حتة لازم يقفوا انتباه.

نشوف بقى البروتوكولات الى بقولوا عليها دى شكلها اية يمكن نتعلم.

اخبار البروتوكولات اية؟؟

هو الى بيعملوا القذافى ده من البروتوكولات؟؟ طب اية راى بتوع هيبة مصر؟؟ ولا علشان مانعرفش يبقى خلاص.

مصر هى الى بتدى هيبة لاى رئيس مش العكس, المفروض نكون عارفين كده كويس.

نشوف بجد بقى هيبة مصر الى حفظها مبارك مع امريكا

لما مبارك سافر امريكا علشان يقابل ريجان تم ترك مبارك ينتظر لمدة 4 ايام,حتى حظى برؤية ومقابلة بسلامته ريجان.

أعلن انه لن يوقع بدون توقيع إسرائيل,وإنتشر هذا فى وسائل الإعلام,وكان موقف مشرف,وبقدرة قادر وقع على الإتفاقية,بدون توقيع إسرائيل,ولم يعلن هذا بالطبع.

المصدر: http://www.elfagr.org/62094

تانى !!!!!!!!!!!!!!!!!!!

انا مش بشتم حد و لا بهاجم حد بس الناس الى بتقول ولا يوم من ايامك , و ان ايام مبارك مصر ماكنتش كده, خالص عمرها ما كانت كده, انا مش بهاجم مبارك شخصة لان مش هو الى بيعمل الادعائات الى بتحصل دلوقتى ـ على حد علمى ـ  فانت شوفت فخف شوية على مصر, انت فاكر انك كده بتوقع فرد بس مش واخد بالك انك بتوقع وطنك,  اصحى و فكر و ساعد بلدك مش الحكومة.